Почетоците на населбата Шуто Оризари датираат по катастрофалниот земјотрес во Скопје во 1963 год, период од кој започнува концентрацијата на Ромско население во овој периферен дел од Градот Скопје. Населбата постепено се развивала просторно и демографски, со што се создале потреби од формирање на бројни институции, а населбата попримила лик на градско урбано подрачје. Формирањето на локалната самоуправа Шуто Оризари од 1996 год претставува институционално заокружување на тој процес со добивањето на статус на самостојна локална единица. Таа секојдневно го менува својот лик, и забрзано граби кон зацртаната визија во својот развој.